ایم ڈبلیو ایم کے رہنما ناصر شیرازی کی مختلف سیاسی و مذہبی شخصیات سے ملاقاتیں، کانفرنس میں شرکت کی دعوت

اسلام آباد : مجلس وحدت مسلمین پاکستان کے زیر اہتمام شہید قائد علامہ سید عارف حسین الحسینی کی 34 ویں برسی کو شایان شان طریقے سے منانے کے لیے ملک کی اہم مذہبی، سیاسی و سماجی شخصیات کو مدعو کرنے کا سلسلہ جاری ہے۔ ایم ڈبلیو ایم کے مرکزی جنرل سیکریٹری سید ناصر عباس شیرازی کی قیادت میں مرکزی عہدیداروں پر مشتمل وفد نے سنی اتحاد کونسل کے چیئرمین صاحبزادہ حامد رضا، جماعت اہل حرم کے سربراہ مفتی گلزار احمد نعیمی، سابق وفاقی وزیر زلفی بخاری، وفاقی وزیر برائے انسانی حقوق ریاض حسین پیرزادہ، وفاقی وزیر برائے اوورسیز پاکستانی ساجد طوری، ملی یکجہتی کونسل کے رہنما ڈاکٹر ثاقب اکبر، ایمز اسکول اینڈ کالج کے سربراہ امتیاز حسین رضوی، سابق ڈپٹی میئر سید ذیشان نقوی، نامور عالم دین مولانا افتخار الدین مرزا اور انجمن جانثاران اہلبیتؑ کے رکن زاہد حسین جعفری سمیت مختلف مکاتب فکر کے علماء اور رہنماؤں سے ملاقاتیں کیں اور انہیں شہید قائد کی برسی میں شرکت کی دعوت دی۔