Raza Musani 
کراچی : وزیراعلیٰ سندھ سید مراد علی شاہ سے شیعہ علمائے کرام نے ملاقات کی اور محرم الحرام میں سیکیورٹی کے انتظامات اور دیگر امور پرگفتگو کی گئی. ملاقات میں علامہ سید شہنشاہ حسین نقوی، مولانا سید رضی حیدر زیدی اور دیگر شریک تھے جبکہ صوبائی وزیر بلدیات ناصر حسین شاہ، مشیر قانون مرتضیٰ وہاب، مشیر برائے مذہبی امور فیاض بٹ، چیف سیکریٹری سہیل راجپوت، آئی جی پولیس غلام نبی میمن، سیکریٹری داخلہ سعید منگنیجو، ایڈیشنل آئی جی کراچی اور دیگر حکام نے بھی حصہ لیا. وزیراعلیٰ سندھ نے کہاکہ محرم میں سیکیورٹی کے انتظامات کئے گئے ہیں، پولیس نے سیکیورٹی کے جو انتظامات کئے ہیں ان پر علماء کو بھی اعتماد میں لیا گیا ہے،میں علماء کا شکرگذار ہوں کہ انھوں نے فرقہ وارانہ ہم آہنگی کو بڑھایا ہے،وزیراعلیٰ سندھ نے سیکیورٹی اور دیگر انتظامات کے حوالے سے تجویز دیں وزیراعلیٰ نے علماء کو یقین دلایا کہ انکی تجاویز پر عمل ہوگا.
