شہادت سے مزاحمتی تحریک مزید مضبوط ہوگی، حماس

غزہ: حماس نے قابض صیہونی حکومت کے غزہ پر وحشیانہ حملوں میں اپنے کئی سرکردہ رہنماؤں کی شہادت پر گہرے دکھ اور افسوس کا اظہار کرتے ہوئے اسے غاصب حکومت کی بزدلانہ کارروائی قرار دیا ہے۔ حماس نے اپنے بیان میں کہا کہ وہ پورے صبر، استقامت اور پختہ عزم کے ساتھ فـلسطینی سرزمین عوام اور مقدسات کے دفاع کی راہ پر گامزن رہے گی۔ ہم پورے فخر اور گہرے دکھ کے ساتھ فلسطینی قوم، عرب اقوام و امت مسلمہ اور دنیا بھر کے حریت پسندوں کو اپنے نامور رہنماؤں کی شہادت پر تعزیت اور مبارکباد پیش کرتے ہیں، جو وحشیانہ اور بزدلانہ حملے میں اپنے اہلِ خانہ کے ساتھ شہید ہوگئے۔ بیان میں شہداء کی قربانیوں کو خراج تحسین پیش کرتے ہوئے کہا گیا کہ یہ رہنما فلسطینی قوم کی آزادی کی جدوجہد میں نمایاں کردار ادا کر رہے تھے۔ ان کی شہادت سے مزاحمتی تحریک کمزور کرنے کے بجائے مزید مضبوط ہوگی۔
حماس کے بیان کے مطابق ان حملوں میں شہید رہنماؤں میں ریاستی امور کی نگرانی کے سربراہع صام الدعلیس، سیاسی دفتر کے رکن یاسر حرب، وزیر انصاف احمد الحتة، وزیر داخلہ محمود ابووطفہ اور داخلی سیکورٹی کے سربراہ بهجت ابوسلطان شامل ہیں۔