Raza Musani 
تل ابیب : اسرائیل کے جنوبی علاقے بئر السبع میں شہادت پسندانہ حملے میں دو صیہونی ہلاک اور 9 زخمی ہوگئے۔ زخمیوں میں سے 2 کی حالت نازک ہے۔ اسرائیلی میڈیا کے مطابق بس کے انتظار میں کھڑے صیہونیوں پر شہادت پسندانہ کارروائی کی گئی۔ مرکزی بس اسٹیشن پر حملے سے خوف و ہراس پھیل گیا اور شہری مدد کے لیے چیختے ہوئے بھاگ کھڑے ہوئے۔ پولیس کا کہنا ہے کہ حملے میں زخمیوں کے جسم پر موجود زخموں سے اندازہ ہوتا ہے کہ زیادہ تر پر چاقو کے وار کیے گئے اور چند ایک کو گولی بھی ماری گئی۔ شہادت پسندانہ کارروائی النقب کے حوره علاقے سے تعلق رکھنے والے فلسطینی نوجوان احمد سعید العقبی نے کی جسے گولی مار کر شہید کردیا گیا۔
