Raza Musani 
لاہور : محکمہ اوقاف پنجاب نے دربار بی بی پاکدامن کو محرم الحرام میں دس دن کیلئے کھولنے کا فیصلہ کرلیا۔ محکمہ اوقاف نے قانون نافذ کرنیوالے اداروں سے مشاورت کے بعد دربار کھولنے کا فیصلہ کیا۔ دربار بی بی پاکدامن کو تعمیراتی کاموں کی وجہ سے بند کیا گیا تھا۔ سیکریٹری اوقاف ابرار احمد نے دربار کا دورہ کیا اور دورے کے دوران زائرین کیلئے ہونیوالے انتظامات کا جائزہ لیا۔ منیجر اوقاف دربار جمیل احمد نے سیکرٹری اوقاف کو انتظامات کے حوالے سے بریفنگ دی۔ سیکریٹری اوقاف ابرار احمد نے منیجر کو ہدایت کی کہ دربار پر آنیوالے زائرین کو کسی قسم کی مشکل پیش نہیں آنی چاہیے۔ انہوں نے کہا کہ زائرین کو زیادہ دیر جمع نہ ہونے دیں، زائرین کیلئے ایسا میکانزم تیار کریں کہ جو زائر آئے فاتحہ خوانی کے بعد دربار چھوڑ دے تاکہ دوسرے زائرین کو زیارت کو موقع ملے۔ انہوں نے کہا کہ دربار کی تعمیراتی کام میں بھی تاخیری حربے برداشت نہیں کئے جائیں گے۔
