Raza Musani 
ٹوکیو : جاپان میں 6 ماہ کے دوران ایک اور پاکستانی کی میت کوجلادیا گیا۔ لاہور سے تعلق رکھنے والے راشد محمود خان ٹوکیومیں مقیم تھے انہوں نے جاپانی خاتون سے شادی کررکھی تھی تاہم وہ مسلمان نہیں ہوئی تھی۔ راشد محمود خان کی کوئی اولاد نہیں تھی اور ان کی جاپانی اہلیہ کا کسی پاکستانی یا مسلمان تنظیم سے رابطہ بھی نہیں تھا۔ شوہر کے انتقال کے بعدان کے کہنے پر راشد محمود کی آخری رسومات جاپانی انداز میں ادا کر دی گئیں جاپان کا قانون ہے کہ جو مرحوم کے اہلِ خانہ کہیں گے ویسا ہی کیا جائے گا، صرف 6 ماہ کے عرصے کے دوران دوسرے پاکستانی کو وفات کے بعد جلانے پر جاپان سمیت دنیا بھر میں پاکستانی کمیونٹی رنج و غم میں مبتلا ہے۔
