Raza Musani 
غزہ: صیہونی فوج نے آج بھی غزہ اور لبنان میں تباہی مچادی۔ تازہ حملوں میں چونتیس افراد شہید اور کئی زخمی ہوگئے۔ غزہ میں صیہونی فوج نے صبح سویرے بیت لاہیہ اور خان یونس میں بمباری کی اور ڈرون داغے۔ میزائلوں سے اٹھارہ افراد شہید اور بیس سے زائد زخمی ہوگئے۔ جنگی طیاروں نے تفاح میں ایک اور اسکول کو نشانہ بنادیا حملے میں سات افراد شہید اور کئی زخمی ہوگئے۔
جنوبی لبنان میں بھی طائر شہر اور مضافات میں جنگی طیاروں نے رہائشی عمارتوں کو نشانہ بنایا جس میں 9 لبنانی شہید اور اڑتیس زخمی ہوگئے۔
شام میں ایک بار پھر صیہونی فوج نے فضائی حملے کئے ہیں۔ حلب اور ادلب کے قریب الصفیرہ شہر کے اطراف میں کئے گئے فضائی حملے میں متعدد فوجی زخمی ہوئے ہیں۔
