Raza Musani 
تل ابیب : اسرائیل کے وزیر دفاع اسرائیل کاٹز نے ایران کے سپریم لیڈر آیت اللہ علی خامنہ ای کو براہ راست قتل کرنے کی دھمکی دے دی۔ اسرائیلی وزیر دفاع کاٹز نے رامون ایئر فورس بیس کے دورہ کے موقع پر کہا کہ اگر ایران نے اسرائیل کو دوبارہ دھمکانے کی کوشش کی تو تہران پر دوبارہ اسرائیلی حملے ہوں گے۔ ہمارا لمبا بازو اور بھی زیادہ طاقت کے ساتھ تہران پہنچ جائے گا اور اس بار نشانہ خامنہ ای خود ہوں گے۔ اسرائیل کاٹز نے حماس کو بھی دھمکی دیتے ہوئے کہا کہ اگر حماس نے یرغمالیوں کو رہا نہ کیا تو غزہ میں جہنم کے دروازے کھل جائیں گے۔ نیتن یاہو حکومت کو جلد ہی جنگی کوششوں کے بارے میں سخت فیصلے کرنے چاہئیں۔
ادھر صیہونی وزیرِ اعظم نیتن یاہونے کہا ہےکہ اسرائیلی فوج غزہ میں کارروائیاں جاری رکھے گی۔ ہم اپنا مقصد حاصل کریں گے اور حماس کو تباہ کرکے رہیں گے۔
