بیروت پر اسرائیلی حملے کا جواب تل ابیب پر حملوں سے دیا جائے گا، شیخ نعیم قاسم

بیروت: حزب اللہ کے سربراہ نعیم قاسم نے دہشتگرد اسرائیل کو واضح پیغام دے دیا کہ ہم طویل جنگ کیلیے پوری طرح تیار ہیں۔ نعیم قاسم نے اپنے خطاب میں کہا کہ بیروت پر اسرائیلی حملوں کا جواب تل ابیب پر راکٹ حملوں سے دیا جائے گا، حزب اللہ کو حسن نصر اللہ کی شہادت سے دھچکا لگا لیکن تنظیم ثابت قدم ہے اور جنگجو اسرائیل کو جواب دینے میں مصروف ہیں۔
سربراہ حزب اللہ نے کہا کہ ہمارے جنگجو استقامت، ثابت قدمی اور بہادری کا مظاہرہ کر رہے ہیں، اسرائیل ہمیں کسی صورت شکست نہیں دے سکتا، مستقل جنگ بندی اور لبنان کی خود مختاری کے تحفظ تک مذاکرات جاری رہیں گے۔ انہوں نے واضح کیا کہ اگر مذاکرات ناکام ہوئے تو ہم جنگ جاری رکھیں گے۔