Raza Musani 
غزہ: اسرائیلی فوج نے شمالی اسرائیل میں بیت الاحیہ اور جبالیہ میں اسکول، اسپتال اور رہائشی علاقوں پر شدید بمباری کی ہے۔ اسرائیلی فوج نے دو اسکولوں میں قائم پناہ گزین کیمپوں پر بھی بمباری کی ہے جس میں ستائیس فلسطینی شہید اور متعدد زخمی ہوگئے ہیں۔ رات سے جاری حملوں میں شہدا کی تعداد باون ہوگئی۔ جبکہ درجنوں زخمی ہوئے ہیں۔ شمالی غزہ سے خان یونس پہنچنے والے فلسطینیوں کا کہنا ہے کہ اسرائیلی فوج شمالی غزہ میں نسل کشی کررہی ہے۔ قافلے کی خواتین کا کہنا ہے کہ اسرائیلی فوج نے متعدد مردوں کو راستے میں گرفتار کرلیا ہے جبکہ تیرہ سے سترہ سال کے کئی بچوں کو بھی اسرائیلی فوج نے روک لیا ہے۔ اسرائیلی فوج مردوں کو گرفتار کرکے ان کے کپڑے اتار لیتی ہے جس سے شدید موسم میں ان کی حالت خراب ہورہی ہے۔
