Raza Musani 
غزہ : غاصب اسرائیلی فوج نے جنوبی خان یونس میں فوجی کارروائی کا آغاز کردیا ہے۔ اسرائیلی فوج نے فلسطینیوں کو جنوبی خان یونس کے علاقے کو خالی کرنے کا حکم دیا ہے۔ حکم کے ساتھ ہی اسرائیلی گن شپس ہیلی کاپٹروں نے علاقے میں حملے کیے ہیں جکہ اسرائیلی فوج نے زمینی کارروائی کا بھی آغاز کردیا ہے۔ جس میں درجنوں فلسطینی شہید ہوگئے ہیں۔فلسطینی وزارت صحت کے مطابق مشرقی خان یونس میں لاشیں اور زخمی سڑک پر پڑے ہیں جنہیں اٹھانے کی اسرائیلی فوج اجازت نہیں دے رہی ہے۔ ایک ہفتے سے جاری اسرائیلی فوج کی زمینی کارروائیوں میں شہر کا بڑا حصہ تباہ ہوچکا ہے۔
اقوام متحدہ کے مطابق چار لاکھ سے زائد آبادی کے علاقے سے دو لاکھ افراد نقل مکانی کرچکے ہیں جبکہ علاقے میں موجود افراد اسرائیلی فوج کی بمباری کا نشانہ بن رہے ہیں یا بھوک اور پیاس کی شدت سے دم توڑ رہے ہیں کیونکہ علاقے میں غذائی اشیا تقریباً ناپید ہوچکی ہیں۔
