Raza Musani 
غزہ : اسرائیلی فوج نے رفح پر فضائی حملوں میں پناہ گزین کیمپوں کو نشانہ بنایا ہے۔ غزہ میں اسرائیلی مظالم مزید بڑھ گئے ہیں رفح پر حملے میں فلسطینی وزارت صحت کے مطابق 80 فلسطینی شہید ہوگئے۔
خان یونس اور شمالی غزہ میں حماس کی چھاپہ مار کارروائیوں میں پانچ اسرائیلی فوجی ہلاک ہوگئے ہیں۔ خان یونس اور شمالی غزہ میں اسرائیلی فوج پر حماس نے کئی حملوں کا دعویٰ کیا۔ رفح اور دیگر مقامات پر اسرائیلی فوج کی جانب سے فلسطینیوں پر تشدد اور انہیں قتل کرکے اعضا کو کاٹنے کی ویڈیوز بھی سامنے آئی ہیں جس کے بعد اسرائیلی فوج کی جانب سے احکامات جاری کیے گئے ہیں کہ اسرائیلی فوجی سوشل میڈیا پر ویڈیوز اپ لوڈ نہیں کریں اگر ایسا کیا گیا تو پھر فوجیوں کے خلاف سخت کارروائی کی جائے گی۔
