Raza Musani 
ماسکو: روسی وزیر خارجہ سرگئی لاروف نے کہاہے کہ اسرائیلی اقدامات نے فلسطین کے ساتھ تصفیہ کو بہت پیچھے دھکیل دیا ہے۔ ماسکو ان طریقوں کو قبول نہیں کر سکتا جو اسرائیلی فوجی غزہ میں استعمال کر رہے ہیں۔ انہوں نے کہاکہ حقیقت میں، عام شہریوں کی تباہی ہو رہی ہے اور سب سے اہم بات، اگر ہم آج کے انسانی المیے کا خلاصہ کریں، تو سب سے اہم بات یہ ہے کہ اسرائیلی اقدامات اقوام متحدہ کے فیصلوں کے مطابق فلسطینی ریاست کے قیام کے ذریعے مشرق وسطیٰ میں پائیدار طویل مدتی امن کے امکانات کو مزید تاخیر کا شکار کر رہے ہیں۔ انہوں نے مزید کہا کہ مشرق وسطیٰ میں عدم استحکام کا براہ راست اثر نہ صرف ملحقہ علاقوں پر پڑتا ہے بلکہ عسکریت پسند بھی خطے سے روس کے پڑوسی علاقوں وسطی ایشیا اور قفقاز کی سمت فرار ہو جاتے ہیں۔
