اسرائیل ویڈیو گیم کی طرح بچوں کو نشانہ بنارہا ہے، برطانوی رکن پارلیمنٹ

لندن: برطانیہ کی حکمران لیبر پارٹی کی رکن پارلیمنٹ پیٹریشیا فرگوسن نے کہاہے کہ غزہ سے واپس آنیوالے ریٹائرڈ سرجن کے دکھائے گئے شواہد بتاتے ہیں کہ اسرائیلی فوج کافلسطینی بچوں کو ڈرون کے ذریعے نشانہ بنانا ایک ویڈیو گیم کی طرح تھا۔ مقبوضہ فلسطینی علاقوں کی صورتحال پر بحث کےدوران پیٹریشیا فرگوسن نے ویسکولر سرجن پروفیسر نظام مامودے کے شواہد کا حوالہ دیا۔۔۔ جس میں واضح کیا گیا ہے کہ اسرائیل جان بوجھ کر فلسطینی بچوں کو نشانہ بنارہا ہے ۔ فرگوسن نے کہا کہ وہ زخمی بچوں کو علاج کے لیے برطانیہ اور یورپ لایا جانا چاہیں گی۔ ایک اور لیبر قانون ساز ایلکس بالنگر نے کہا کہ غزہ میں اوسطاً ہر دس منٹ میں ایک بچہ مارا جا رہا ہے۔۔۔ فارن آفس منسٹر اینیلیز ڈوڈس نے کہا ہےکہ یہ بالکل واضح ہے کہ غزہ ایک انسانی تباہی کی لپیٹ میں ہے۔ علاقوں میں فاقہ کشی، غذائی قلت اور متعلقہ موت تیزی سے بڑھ رہی ہے۔۔ بیماروں اور زخمیوں کو دیکھ بھال کے لیے غزہ چھوڑنے کی اجازت دی جانی چاہیئے۔۔