غزہ پر فوجی حکمرانی کے لیے اسرائیل کی امریکا سے بات چیت

تل ابیب : نیتن یاہو حکومت نے غزہ پر فوجی حکمرانی کے لیے امریکا سے بات چیت شروع کردی۔ اسرائیلی اخبار ٹائمز آف اسرائیل نے دعویٰ کیا ہے کہ اسٹریٹجک امور کے اسرائیلی وزیر رون ڈرمررواں کے دورہ امریکا میں قومی سلامتی کے مشیر مائیک والٹز سمیت دیگر حکام کے ساتھ اسرائیلی منصوبے پرغور کیا جائے گا۔ اس منصوبے میں اسرائیلی فوج کی جانب سے جنگ زدہ انکلیو میں امداد کی تقسیم بھی شامل ہوگی۔ رپورٹ کے مطابق اسرائیلی حکومت نے اب تک غزہ پر فوجی حکمرانی کے لیے دباؤ ڈالنے سے گریز کیا ہے لیکن امریکی صدر ٹرمپ کے آنے سے اسرائیل کی سوچ بدلی ہوئی دکھائی دیتی ہے۔