Raza Musani 
تل ابیب: امریکی وزیر خارجہ انٹونی بلنکن نے اسرائیلی حکام کے ساتھ ملاقات میں شمالی محاذ پر مزید کشیدگی سے بچنے کی اہمیت پر زور دیا ہے۔بلنکن نے کہاکہ اسرائیل حزب اللہ کے ساتھ تنازعہ کے سفارتی حل تک پہنچنے کی کوشش کرے۔ امریکی محکمہ خارجہ نے بتایا کہ انٹونی بلنکن نے محصور پٹی میں انسانی امداد میں اضافے کے لیے مزید اقدامات کرنے کی ضرورت پر زور دیا۔ انہوں نے غزہ کی پٹی پر جنگ کے بعد حکومت، سکیورٹی اور تعمیر نو کے لیے منصوبہ بندی کی ضرورت پر بھی زور دیا۔ یہ ملاقات اسرائیلی وزیر اعظم بنجمن نیتن یاہو کی جانب سے شائع ہونے والے ایک ویڈیو کلپ کے بعد شدید کشیدگی کی دوران ہوئی ہے جس میں انہوں نے اسرائیل کو ہتھیاروں کی فراہمی کے حوالے سے امریکی پالیسی پر تنقید کی تھی۔
