Raza Musani 
لاہور: اسلامی تحریک پاکستان کے مرکزی سیکریٹری اطلاعات زاہد علی اخونزادہ نے کہا ہے کہ ان کی جماعت صوبہ خیبرپختونخوا میں19 دسمبر کو ہونے والے بلدیاتی انتخابات میں غیر جانبدار رہے گی۔یہ فیصلہ صوبہ بھر سے سیاسی جماعتوں کے اسلامی تحریک پاکستان کے رہنماؤں سے رابطوں اور تفصیلی صلاح و مشورہ اور غور و خوص کے بعد کیا گیا ہے۔ میڈیا سے گفتگو میں انہوں نے تنظیمی احباب اور عوام کو متوجہ کیا ہے کہ وہ بہتر قومی مفاد میں اپنے اپنے حلقوں میں ووٹ کاسٹ کریں۔ اسلامی تحریک پاکستان عوام سے امید رکھتی ہے کہ وہ اپنے اپنے حلقوں میں ملت کے بہترین مفاد میں اُمیدواروں کا انتخاب اور اپنے قیمتی ووٹ کا استعمال کریں گے۔
