امن فورس کے مینڈیٹ اور اختیار کی وضاحت کی جائے، مصر، قطر

قاہرہ : قطر اور مصر نے غزہ میں جلد بحالی میں مدد کے لیے مجوزہ بین الاقوامی استحکام فورس کے مینڈیٹ اور اختیار کی وضاحت کرنے کا مطالبہ کیا ہے۔ مصری وزارت خارجہ نے بتایا کہ مصری وزیر خارجہ بدر عبدالعاطی اور قطری ہم منصب شیخ محمد بن عبدالرحمن کے درمیان فون کال کے دوران بین الاقوامی استحکام فورس کے مینڈیٹ کا معاملہ زیر بحث آیا۔ دونوں وزراء نے اپنے ملکوں کے موقف پر ثابت قدم رہنے پر اتفاق کیا۔ ان میں سب سے اہم فلسطینی علاقوں کے اتحاد کو یقینی بنانے کے لیے مغربی کنارے اور غزہ کی پٹی کو جوڑنے کی ضرورت اور فلسطینی اتحاد کو برقرار رکھنے کے فریم ورک کے اندر فلسطینیوں کے اپنے معاملات خود سنبھالنے کی اہمیت پر زور دیا گیا۔ دوحہ اور قاہرہ نے تناؤ کو بڑھانے والی بار بار خلاف ورزیوں کو واضح طور پر مسترد کرنے کا اعادہ کیا۔