اسلام نے بت پرستی کو ختم کیا، مندر کی تعمیر قبول نہیں ، پیر اعجاز ہاشمی

 خواجہ آصف کا بیان اسلام کی توہین اور قرآن سے انحراف کے مترادف ہے
لاہور ( پ ر ) جمعیت علمائے پاکستان کے مرکزی صدر اورنائب صدر متحدہ مجلس عمل پیراعجازاحمد ہاشمی نے کہا ہے کہ حضرت محمد مصطفی صلی اللہ علیہ وآلہ وسلم آخری نبی اور اسلام اللہ کا پسندیدہ دین ہے جس نے بت پرستی کو ختم کیا، اسلام آ باد میں مندر کی تعمیر قبول نہیں، حکومت خود فیصلہ واپس لینے کا اعلان کرے، اسلامی ملک میں غیر شرعی افعال اور بت پرستی کے لئے مندرکی تعمیرکی اجازت نہیں دی جاسکتی ،خواجہ آصف کا بیان اسلام کی توہین اور قرآن سے انحراف کے مترادف ہے، انہیںاپنے بیان پر توبہ کرکے اپنے الفاظ واپس لینا چاہیے ،امید کرتے ہیں کہ مسلم لیگ (ن )کی قیادت بھی خواجہ آصف کے بیان کا نوٹس لے گی