Raza Musani 
تہران : ایرانی وزیر خارجہ امیرعبداللہیان نے کہا ہے کہ ایران سعودی مذاکرات میں پیشرفت ہوئی تاہم مذاکرات کا نیا دور کب شروع ہوگا اس کے وقت کا ابھی تعین نہیں کیا گیا ہے۔ انہوں نےویانا مذاکرات سے متعلق کہا کہ ہم نے جون 2021 کی دستاویز کو ایک طرف رکھ دیا ہے اور ہم ایک نئی اور مشترکہ دستاویز پر پہنچ گئے جس پر بات چیت کو آگے بڑھایا جائے گا. امیر عبداللہیان نے کہا کہ ضمانت اور تصدیق کا مسئلہ بات چیت کے موضوعات میں سے ایک ہے، ہمارے لیے سب سے اہم مسئلہ ان الفاظ کے تحت ایک نقطہ پر پہنچنا ہے اور یہ وہ مسائل ہیں جہاں ایرانی تیل آسانی سے اور بغیر کسی پریشانی کے فروخت کیا جاتا ہے۔
