Raza Musani 
تہران: ایران نے آبنائے ہرمز کھولنے سے متعلق اپنی شرائط پاکستان کے ذریعے امریکا تک پہنچا دیں۔ ایرانی نیوز ایجنسی نے کہاہےکہ پاکستانی فیلڈ مارشل امریکی دھمکی نہیں، مذاکرات کی گنجائش پیدا کرنے ایران گئے۔ایرانی تسنیم نیوز ایجنسی کے مطابق تہران نے آبنائے ہرمز سے متعلق اپنی شرائط پاکستانی آرمی چیف جنرل عاصم منیر کے ذریعے واشنگٹن تک پہنچا دی ہیں۔ رپورٹ کے مطابق فیلڈ مارشل عاصم منیر نے ایران کا دورہ کسی امریکی دھمکی یا پیغام کے ساتھ نہیں کیا بلکہ یہ دورہ ایران کے مؤقف و شرائط امریکا تک پہنچانے کے لیے کیا۔ ذریعے کے مطابق ملاقاتوں میں ایران نے اپنے تمام مؤقف پاکستانی حکام کے سامنے واضح کیے۔ ایران نے اسلام آباد مفاہمتی یادداشت میں امریکا کی واپسی اور اس پر عمل درآمد کو اپنی اہم شرائط میں شامل قرار دیا ہے۔
