یمن میں انسانیت سوز سانحہ، دنیا کی خاموشی پر سوشل میڈیا صارفین پھٹ پڑے

صنعا : یمن میں انسانیت سوز سانحے پر دنیا کی خاموشی پر سوشل میڈیا صارفین پھٹ پڑے اور
(YemenUnderAttack#)
یمن انڈر اٹیک ہیش ٹیگ کو ٹاپ ٹرینڈ بنادیا۔ یمن کی جیل پر عرب اتحاد کے فضائی حملے میں 70 افراد جاں بحق اور 200 سے زائد زخمی ہوئے۔صارفین کا کہنا ہے کہ انسانیت کا خون ہورہا ہے اور دنیا خاموشی سے دیکھ رہی ہے۔ یمن کے معصوم بچوں اور خواتین کو دنیا نے بھلا دیا ہے۔یمن میں ہر دن عاشورہ کا ہے اور زمین کا ہر ٹکڑا کربلا ہے۔ صارفین کا یہ بھی کہنا ہے کہ سعودی اتحاد کی جانب سے کیے جانے والے فضائی حملے کے نتیجے میں یمن میں انٹرنیٹ سروس بھی معطل ہوگئی ہے اور وہاں بچے بھوک اور بمباری سے مررہے ہیں۔ٹوئٹر پر دنیا بھر سے صارفین کی جانب سے درخواست کی جارہی ہے کہ معصوم بچوں اور کمزور خواتین کے یوں قتلِ عام کو روکیں۔ ابھی تک اس انسانیت سوز سانحے پر عالمی رہنما اور انسانی حقوق کے لیے کام کرنے والی تنظیمیں خاموش ہیں۔