Raza Musani 
لندن : دنیا بھر میں دس سال کے دوران جبری بے گھر کئے گئے افراد کی تعداد ایک کروڑ سترہ لاکھ سے زائد ہوگئی ہے۔ اقوام متحدہ کے ہائی کمشنر برائے مہاجرین کی رپورٹ کے مطابق تنازعات اور تشدد، ظلم و ستم اور انسانی حقوق کی خلاف ورزیوں کے نتیجے میں رواں سال کے ابتدائی چار ماہ میں جبری نقل مکانی میں بے تحاشا اضافہ ہوا ہے اور توقع ہے کہ یہ تعداد ایک کروڑ بیس لاکھ تک جاپہنچے گی۔ رپورٹ کے مطابق دنیا بھر میں انہتر میں سے ایک شخص جبری طور پر بے گھر ہے۔ یو این ہائی کمشنر فار ریفیوجی فلپو گرانڈی کے مطابق ان سنگین اور بڑھتی ہوئی تعداد کے پیچھے ان گنت انسانی المیے پوشیدہ ہیں۔ عالمی برادری کو ان مصائب اور زبردستی بے گھر ہونے کی بنیادی وجوہات سے نمٹنے کے لیے فوری اقدامات کرنے چاہئیں۔ اسرائیل کےحملوں کی وجہ سے غزہ میں سترہ لاکھ سے زیادہ افراد بے گھر ہوچکے ہیں۔
