Raza Musani 
حیفہ : حزب اللہ کے حملوں نے اسرائیل کے بندرگاہی شہر کو ویران کردیا۔ راکٹ حملوں سے بڑے پیمانے پر انفرااسٹرکچر کو نقصان ہوا ہے جبکہ معیشت کا بھی بھٹہ بیٹھ گیا ہے۔ حیفہ کے میئر نے کہا ہے کہ یہی حال رہا تو پوری معیشت کا بھٹہ بیٹھ جائے گا۔ حزب اللہ کی حیفہ میں کارروائیاں بڑھانے سے علاقے کی صنعت، زراعت، تجارت اور سیاحت پر شدید اثر ڈالا ہے۔ حکومت کمپنیوں کو کام جاری رکھنے کے بدلے معاوضہ ادا کرنے پر مجبور ہیں۔ اکتوبر 2023 سے اگست 2024 تک کمپنیوں کو ایک ارب ڈالر سے زیادہ ادا کئے جاچکے ہیں۔
حیفہ کے میئر یونا یاہیو بھی چیخ پڑے ہیں انہوں نے کہا کہ سب کچھ ٹھپ ہو گیا ہے ۔سڑکیں خالی اور دکانیں بند ہیں۔ حیفا کی معیشت کو نقصان پہنچا تو اس کا اثر پورے اسرائیل پر پڑے گا۔ اسرائیلی اخبار کی رپورٹ کے مطابق مشرقی الجلیل اور گولان کی پہاڑیوں میں 80 فیصد سے زیادہ چھوٹے کاروباری مالکان کو آمدنی میں کمی کا سامنا ہے۔
