Raza Musani 
دوشنبے : مسلم اکثریتی ملک تاجکستان میں حجاب پر پابندی عائد کردی گئی۔ تاجکستان میں ایوان بالا نے حجاب پر پابندی کے قانون کی منظوری دیدی ہے۔ اس سے قبل 9 جون کو ایوان زیریں نے یہ بل منظور کرلیا تھا۔ بل میں حجاب کو اجنبی ثقافت کا حصہ قرار دیتے ہوئے اسکے پہننے فروخت۔ درآمد اور تشہیر پرپابندی لگادی ہے۔ قانون کےتحت خلاف ورزی پر بھاری جرمانے عائد کیے جائیں گے۔ نئے قانون کے تحت حجاب یا دیگر ممنوع مذہبی لباس پہننے والے افراد کو تقریباً 700 ڈالر تک جرمانے کا سامنا کرنا پڑ سکتا ہے۔ صدر علی رحمانوف کے بل پر دستخط کرنے سے یہ قانون نافذ ہوجائے گا۔ اس کے علاوہ مسلمانوں کے دو بڑے تہوار – عید الفطر اور عید الاضحی پر بچوں کے جشن منانے پر بھی پابندی لگادی گئی ہے۔
