Raza Musani 
بیروت : جنگ کے بڑھتے خطرے کے پیش نظر حزب اللہ نے اسرائیل کے حساس مقامات کی ایک اور ویڈیو جاری کردی۔ لبنان کے المیادین ٹیلی ویژن نیٹ ورک کے مطابق حزب اللہ کی نئی ویڈیو میں دکھائے گئے حساس مقامات کی نشاندہی ممکنہ اہداف کے طور پر کی گئی ہے۔ یہ وہ مقامات ہیں جو اسرائیل کے حفاظتی آلات کی نگرانی میں ہیں۔ ویڈیو میں دکھائےگئے مقامات میں صحرائے نیگیو میں ڈیمونا نیوکلیئر ری ایکٹر کا ریسرچ سینٹر۔ تل ابیب کا بین گوریون بین الاقوامی ہوائی اڈہ اور نیواتیم ایئربیس شامل ہیں۔ اس کے علاوہ سیکیورٹی حکام کے رہائشی کمپلیکس کو بھی نشان زد کیا گیاہے۔ حزب اللہ نے کہا ہے کہ یہ ویڈیو پہلی قسط ہیں۔ مزید مقامات کی ویڈیوز بھی جاری کی جائیں گی۔
