حزب اللہ کے صیہونی فوجی ٹھکانوں پر راکٹوں اور ڈرونز سے شدید حملے

بیروت: حزب اللہ نے صیہونی فوجی ٹھکانوں پر شدید حملے کئے ہیں۔ جبکہ کئی بستیوں پر راکٹ باری کی۔ حزب اللہ کے ڈرونز کا ایک دستہ لبنان سے شمالی مقبوضہ فلسطین کے مغربی الجلیل میں داخل ہوا جس کی وجہ سے صیہونی بستیوں میں خطرے کے سائرن بجنے لگے۔ ڈرون حملے کے بعد الجلیل کے قصبے کرمیئیل کی فضا دھماکوں سے گونج اٹھی۔ مقبوضہ فلسطین کے شمال میں واقع مرون ایئربیس کو بھی ڈرون حملے کا نشانہ بنایا گیا۔ کریات شمونہ میں بھی کئی دھماکوں کی آوازیں سنی گئیں اور علاقے میں راکٹ گرنے کے بعد آگ بھڑک اٹھی۔
حزب اللہ نے ایک بیان میں کہاہےکہ اس کے مجاہدوں نے جبل نیریا کے فوجی اڈے کو ڈرون سے نشانہ بنایا جس کے نتیجے میں وہاں موجود کئی افسر یقینی طور پر مارے گئے ہيں۔ یہ فوجی اڈہ اس وقت گولانی فورسز کا ٹھکانہ ہے۔