Raza Musani 
غزہ میں مزاحمت کاروں نے صیہونی فوج کے ہوش اڑادئے۔ دو حملوں میں دس فوجی ہلاک ہوگئے۔ حماس کے مزاحمت کاروں نے رفح میں صیہونی بکتر بند گاڑی کو سڑک پر نصب بم کے ذریعے تباہ کردیا۔ حملے میں آٹھ فوجی مارے گئے۔ جبکہ شمالی غزہ میں ایک اور حملے میں دو صیہونی فوجی ہلاک ہوگئے۔ فوجیوں کی ہلاکت کی تصدیق اسرائیلی فوج نے بھی کردی ہے۔ رفح میں فوجیوں کی ہلاکت پرصیہونی فوج نے شدید ترین حملے کئے ہیں۔ جنگی طیاروں، اپاچی ہیلی کاپٹروں اور کواڈ کاپٹروں کے علاوہ توپ خانے اور فوجی جنگی جہازوں سے رفح کے مغربی علاقے میں شدید گولہ باری کی گئی۔ حملے میں کئی مکانات تباہ ہوگئے اور کئی فلسطینی شہید و زخمی ہوگئے۔ حماس نے کہا ہے کہ اس کے مزاحمت کار مصر کے ساتھ سرحد کے قریب شہر کی گلیوں میں اسرائیلی فوجیوں سے لڑ رہے ہیں۔ فلسطینی وزارت صحت کے مطابق غزہ میں چوبیس گھنٹوں کے دوران تیس فلسطینی شہید اور کئی زخمی ہوئے ہیں۔
