گورنر سندھ کا طیارہ حادثہ میں جاں بحق انصار نقوی کی رہائش گاہ کا دورہ، صاحبزادوں سے اظہار تعزیت

کراچی (نیٹ نیوز) گورنر سندھ عمران اسماعیل نے نجی ٹی وی چینل کے ڈائریکٹر نیوز اور سینئر صحافی انصار نقوی کی رہائش گاہ کا دورہ کیا اور ان کے صاحبزادوں شہریار اور شاہ زیب سے اظہار تعزیت کیا۔ انہوں نے کہا کہ طیارہ حادثہ ایک ناقابل تلافی نقصان ہے اور خصوصاً طیارہ میں سوار افراد کے لواحقین کے لئے ایک جانکاہ صدمہ کی حیثیت رکھتا ہے۔ انہوں نے کہا کہ انصار نقوی ایک سینئر صحافی کے ساتھ ساتھ نہایت اچھے انسان بھی تھے جوکہ ہمیشہ اپنے جونیئرز کو سکھانے کے لئے تیار رہتے تھے، یہ میرا بھی ذاتی نقصان ہے۔