Raza Musani 
لاہور (نیٹ نیوز) گورنر پنجاب چودھری محمد سرور نے کورونا سے صحتیاب ہونیوالوں سے پلازمہ عطیہ کرنے کی اپیل کی ہے۔ گورنر پنجاب چودھری سرور نے اپنے ویڈیو پیغام میں شہریوں سے کہا ہے کہ کورونا کو شکست دے کر اب تک 50 ہزار سے زائد لوگ صحتیاب ہو چکے ہیں، صحتیاب ہونیوالوں کو اللہ نے موقع دیا ہے کہ وہ دوسروں کی مدد کریں۔ انہوں نے کہا کہ کورونا کیخلاف جنگ جیتنے والوں سے اپیل کرتا ہوں کہ اپنا پلازمہ عطیہ کریں۔ گورنر پنجاب چودھری سرور نے کہا کہ ایس او پیز پر عمل نہ کرنیوالوں کو کورونا نہیں چھوڑے گا، ایس او پیز پر عمل نہ کرنیوالوں کیساتھ سختی کا حکومتی فیصلہ قوم کی ترجمانی ہے، ایس او پیز پر عمل نہ کرنیوالے رعایت کے مستحق نہیں حکومت ایکشن لے گی۔
