Raza Musani 
غزہ : اسرائیلی جنگی طیاروں نے ایک اور اسکول میں قائم پناہ گزین کیمپ پر بم برسادئے۔ حملے میں 23 فلسطینی پناہ گزین شہید ہوگئے۔غزہ کے الشاطی کیمپ میں اقوام متحدہ کے زیرانتظام اسکول پر اس وقت بم گرائے گئے جب پناہ گزین سو رہے تھے۔ شہدا میں بیشتر خواتین اور بچے ہیں۔
غزہ سٹی میں ایک دکان اور خان یونس میں ایک گھر پر حملے میں نو افراد شہید ہوئے۔ جبالیہ کیمپ پر ڈرون حملے میں فلسطینی صحافی صالح الشریف شہید ہوگئے۔ صیہونی فوج نے صبح سویرے البریج کیمپ اور رفح میں بھی حملے کئے۔ جنگی طیاروں سے داغے گئے میزائلوں سے پندرہ فلسطینی شہید اور بائیس زخمی ہوگئے۔
ادھر شمالی غزہ میں جھڑپوں کے دوران ایک اور اسرائیلی فوجی مارا گیا۔
غزہ میں اب تک 43 ہزار 799 افراد شہید اور ایک لاکھ 3 ہزار 601 زخمی ہوچکے ہیں۔
