Raza Musani 
صنعا: غزہ جارحیت کے ردعمل میں مزاحمت کاروں نے صیہونی اہداف پر حملے تیز کردئے۔ برطانوی میری ٹائم سیکیورٹی ایجنسی کے مطابق اتوار کی صبح بحیرۂ احمر میں یمنی بندرگاہ الحدیدہ کے قریب تجارتی بحری جہاز کو ڈرون سے نشانہ بنایا گیا۔ حملے سے جہاز کو نقصان پہنچا تاہم کوئی زخمی نہیں ہوا۔ جہاز اپنی اگلی منزل کی جانب روانہ ہوگیا۔ اس سے قبل یمنی فوج نے اسرائیل کی حیفہ بندرگاہ جانے والے جہاز کو بحیرہ عرب میں بیلسٹک میزائلوں سےنشانہ بنادیا۔یمنی فوج کےترجمان یحییٰ سریع نے دعویٰ کیا کہ لائبریا کی ملکیت والی کمپنی نے مقبوضہ فلسطین کی بندرگاہوں میں داخلے پر پابندی کی خلاف ورزی کی تھی۔
عراق میں مزاحمتی گروپ نے اردن اور عراق کی سرحدوں کے قریب جنوب مشرقی شام میں ایک فوجی اڈے کو نشانہ بنایا ہے۔ جہاں امریکی فوجی اور ان کے اتحادی جنگجو تعینات ہیں۔
