Raza Musani 
نیویارک: اقوام متحدہ کے سیکریٹری جنرل انتونیو گوتریس نے غزہ کو انسانی تاریخ کی بدترین جنگ قرار دے دیا۔ گوتریس نے کہا جو کچھ غزہ میں ہوا ہے اس کی مثال ماضی کی کسی جنگ میں نہیں ملتی ہے۔ اقوام متحدہ کے سیکریٹری جنرل نے جینیوا میں صحافیوں سے بات کرتے ہوئے کہا کہ جو کچھ انہوں نے غزہ میں دیکھا ہے ایسا ساری زندگی نہیں دیکھا بطور عالمی ادارے کے سربراہ کی حیثیت سے انہوں نے غزہ میں بدترین تباہی کا مشاہدہ کیا ہے جیسا مشاہدہ اس سے قبل انہیں کہیں نہیں ہوا ہے۔اسرائیلی فوج نے غزہ کی ناکہ بندی کر رکھی ہے۔ ہر روز بھوک اور بمباری سے شہری جان گنوا رہے ہیں اس سب کی حمایت ناممکن ہے۔انتونیو گوتریس نے کہا کہ جس قدر ہلاکتیں اور تباہی غزہ میں ہوئی ہے اب اس کا سلسلہ رکنا چاہئے اور افسوس کا مقام ہے کہ ہم اس کو تاحال روک نہیں سکے ہیں.
