Raza Musani 
جنیوا: اقوام متحدہ کے تحقیقاتی مشن نے کہا ہے کہ ایران میں اسکول اور اسپورٹس کمپلیکس پر امریکی فضائی حملوں میں جنگی جرائم کے ارتکاب کے معقول شواہد ملے ہیں۔ اقوام متحدہ کے آزاد بین الاقوامی تحقیقاتی مشن نے ایران میں امریکی کارروائیوں کی تحقیقات کے نتائج جاری کردیئے۔ یہ رپورٹ جنیوا میں اقوام متحدہ کی انسانی حقوق کونسل میں پیش کی جائے گی۔
مشن کے مطابق 28 فروری کو مناب میں اسکول پر امریکی حملے میں ایک سو بیس بچوں سمیت ڈیڑھ سو سے زائد افراد جاں بحق ہوئے۔ تحقیقاتی مشن نے کہا کہ اسکول واضح طور پر ایک شہری عمارت تھی اور حملے سے پہلے اس کی حیثیت کی مناسب تصدیق نہیں کی گئی۔ اس بات کا کوئی ثبوت نہیں ملا کہ اسے کبھی فوجی مقاصد کے لیے استعمال کیا گیا ہو۔ لامرد میں کھیلوں کے مرکز پر حملہ بھی جنگی جرم قرار دیا گیا ہے۔
