ملک بھر میں عیدالاضحیٰ مذہبی عقیدت و احترام کے ساتھ منائی جا رہی ہے

ملک بھر میں عیدالاضحیٰ مذہبی عقیدت و احترام کے ساتھ منائی جا رہی ہے۔اسلام آباد، کراچی اور لاہور سمیت ملک بھر میں نماز عید کے چھوٹے بڑے ہزاروں اجتماعات ہوئے۔
صدر ڈاکٹر عارف علوی نے کراچی اور وزیراعظم شہباز شریف نے جاتی امرا میں نماز عید پڑھی۔ عمران خان نے بنی گالا میں نماز عید ادا کی۔ ملکی ترقی اور خوشحالی سمیت امت مسلمہ کے لیے بھی خصوصی دعائیں مانگی گئیں۔ ملک میں بارشوں کے باعث نماز عید کے بیشتر اجتماعات مساجد میں ہوئے۔ نماز عید کے بعد مسلمان سنت ابراہیمی کی پیروی کرتے ہوئے جانوروں کی قربانی میں مصروف ہیں۔ عید کے تینوں ایام قربانی کا سلسلہ جاری رہے گا۔