دعا زہرا لاہور سے کراچی کے چائلڈ پروٹیکشن بیورو منتقل

کراچی : دعا زہرا کو عدالت کے حکم پر لاہور سے کراچی منتقل کردیا گیا۔ دعا زہرا کو چائلڈ پروٹیکشن بیورو میں رکھا گیا ہے۔ جہاں فول پروف سیکیورٹی اور حفاظتی انتظامات کئے گئے ہیں اور کسی کو بھی اس سے ملنے کی اجازت نہیں۔ دعا زہرا کو یکم اگست کو متعلقہ ٹرائل کورٹ میں پیش کیا جائے گا۔ گذشتہ روز لاہور میں جوڈیشل مجسٹریٹ نے دعا زہرا کو کراچی بھیجنے کا حکم دیا تھا۔ عدالت نے تحریری فیصلہ میں حکم دیا تھا کہ پولیس دعا زہرا کو عدالت میں پیش کرنے سے پہلے کسی کے حوالے نہ کرے۔اس کے تحفظ کو یقینی بنائے۔ مرضی کے بغیر دعا سے کسی کو نہ ملنے دیا جائے۔ عمر کے تعین کے لیے تیسرا میڈیکل ٹیسٹ کرانے کی درخواست پر مدعی کے وکیل نے اعتراض کیا اور موقف اپنایا کہ ہائیکورٹ کا ڈویژن بنچ اس متعلقہ فیصلہ دے چکا لہذا اس عدالت کا دائرہ اختیار نہیں۔ کراچی میں میڈیکل بورڈ بچی کا ٹیسٹ کر چکا بچی کم عمر ڈیکلیئر ہو چکی ہے۔