Raza Musani 
دوحہ : حماس کے شہید رہنما اسماعیل ہنیہ کی نماز جنازہ قطر کے دارالحکومت دوحہ کی مسجد عبدالوہاب میں ادا کردی گئی۔ نماز جنازہ میں امیر قطر ۔ حماس رہنما خالد مشعل ۔ الفتح کے نائب سربراہ محمود ال الول ، ملیشیاء کے نائب وزیر داخلہ سمیت عرب ممالک اور فلسطینی نمائندوں نے شرکت کی. شہید اسماعیل ہنیہ کے جسد خاکی کو دوحہ کے شمالی علاقے لوسیل میں سپرد خاک کیا جائے گا۔
اس سے قبل قطر کے دارالحکومت میں اسماعیل ہانیہ کا جسد خاکی ان کی رہائش گاہ پہنچایا گیا، اسماعیل ہانیہ اور ان کے محافظ وسیم ابو عثمان کی فلسطینی پرچموں میں لپٹی میتیں تہران سے دوحہ ایئرپورٹ پہنچائی گئیں۔
پاکستان سمیت متعدد ممالک میں اسماعیل ہانیہ کی غائبانہ نماز جنازہ ادا کی گئی، پاکستان کے وزیراعظم شہبازشریف نے بھی اراکین قومی اسمبلی کے ساتھ پارلیمنٹ ہاؤس میں اسماعیل ہانیہ کی غائبانہ نماز جنازہ ادا کی۔
یاد رہے کہ حماس سربراہ کو منگل اور بدھ کی درمیانی شب تہران میں ان کی رہائش گاہ پر قاتلانہ حملے میں شہید کردیا گیا، ان کی نماز جنازہ کل بھی تہران میں ادا کی گئی ، نماز جنازہ ولی امر مسلمین آیت اللہ سید علی خامنہ ای نے پڑھائی۔ اس موقع پر ہزاروں افراد ان کی تصاویر والے پوسٹر اور فلسطینی پرچم لیے ہوئے جمع تھے۔
اسماعیل ہانیہ کی شہادت سے قبل ان کے خاندان کے 70 اراکین اسرائیلی حملوں میں جام شہادت نوش کر چکے ہیں۔
