Raza Musani 
ڈھاکا : بنگلہ دیش نے پاکستان کے ساتھ پچاس سال بعد براہ راست تجارت بحال کردی۔ بنگلہ دیش کی وزارت خوراک نے تجارت کی بحالی کی تصدیق کرتے ہوئے کہا ہے کہ اگلے ماہ پاکستان سے پچاس ہزار ٹن چاول درآمد کئے جائیں گے۔ گذشتہ برس اگست میں شیخ حسینہ واجد کی حکومت کے خاتمے کے بعد دونوں ممالک کے درمیان تعلقات میں تلخی کم ہونا شروع ہوئی ہے۔ بین الاقوامی تعلقات کی ماہر امینہ محسن نے عرب نیوز کو بتایا کہ پاکستان کے ساتھ تجارت کی بحالی بنگلہ دیش کا اہم اقدام ہے۔ امینہ محسن کے مطابق ہم پاکستان کے ساتھ دوطرفہ تعلقات کو بڑھا رہے ہیں لیکن اس کے ساتھ ساتھ انیس سو اکہتر کی جنگ کا معاملہ بھی حل ہونا چاہیے جس نے لوگوں کے ذہنوں پر گہرے اثرات چھوڑے ہیں۔
