ترکیہ کی حماس کا سیاسی دفتر قطر سے ترکیہ منتقل ہونے کی تردید

انقرہ : ترک حکومت نے حماس کے قطر سے اپنا سیاسی دفتر ترکیہ منتقل کرنے کی تردید کردی ہے۔ ترکی کے سفارتی ذرائع نے صحافیوں کو بتایا کہ حماس کے سیاسی بیورو کے ارکان وقتاً فوقتاً ترکی کا دورہ کرتے ہیں لیکن یہ دعویٰ کہ حماس ترکیہ منتقل ہو گئی ہے حقیقت کی عکاسی نہیں کرتا۔ اسرائیلی پبلک براڈکاسٹر کان نے دعویٰ کیا تھاکہ قطر کے حماس کو دوحہ سے نکلنے کے الٹی میٹم کے بعد حماس کے ارکان دوحہ سے ترکیہ چلے گئے ہیں۔ قطر نے یہ اقدام حماس کی جانب سے غزہ میں جنگ بندی اور یرغمالیوں کے معاہدے پر بات چیت میں ہچکچاہٹ کی وجہ سے کیا ہے۔ اس ماہ کے شروع میں قطر نے باضابطہ طور پر ان الزامات کو مسترد کر دیا تھا کہ اس نے حماس کو دوحہ میں اپنا نمائندہ دفتر بند کرنے کو کہا تھا۔