امریکی معیشت کے لیے تاریک مہینے آنے والے ہیں، ایرانی نائب صدر

تہران : ایران کے نائب صدر محمد رضا عارف نے امریکی عوام کو خبردار کرتے ہوئے کہا کہ وہ ایندھن ذخیرہ کرنے کا سوچنا شروع کر دیں، کیونکہ امریکی معیشت کے لیے تاریک مہینے آنے والے ہیں۔ محمد رضا عارف نے سماجی رابطے کی ویب سائٹ ایکس پر اپنے پیغام میں کہا کہ امریکا کے حالیہ حملوں نے ایران کی سلامتی کی صورتحال اور دفاعی نظریے کو مستقل طور پر تبدیل کر دیا ہے۔ انہوں نے کہا کہ ایران کا سکیورٹی اور دفاعی نظام مزید جدید ہوگیا ہے اور اب امریکی جارحیت کی صورت میں شدید کارروائی کی جائےگی۔ جارحیت کا جواب غیر متناسب اور کثیر الجہتی انداز میں دیا جائے گا۔