Raza Musani 
کولکتہ: بھارت میں مسلمانوں کے ساتھ ساتھ عیسائیوں کےخلاف بھی انتہاپسندانہ کارروائیوں میں اضافہ ہوگیا ہے بھارتی حکومت کی ہندو انتہاپسندی کا تازہ نشانہ مدرٹریسا کا فلاحی ادارہ بنا ہے مودی سرکارنے نوبل انعام یافتہ مدرٹریسا کی مشنری آف چیرٹی کے اکاؤنٹس منجمد کردئیے ہیں۔ تنظیم کے منتظمین کا کہنا ہے کہ بھارتی وزارت خارجہ نے بیرون ملک سے فنڈز وصولی کی درخواست کی تجدید سے انکارکردیا ہے۔مدرٹریسا کی تنظیم بھارت میں 240 سے زائد ادارے چلا رہی ہے جن میں یتیم، بے سہارا اور ایڈز کے مریض رہتے ہیں۔مغربی بنگال کی وزیراعلی ممتا بینرجی نے مدرٹریسا کی فلاحی تنظیم کے اکاؤنٹس منجمد کرنے پر افسوس کا اظہار کرتے ہوئے کہا ہے کہ اس فیصلے سے مشنری چیریٹی کے 22 ہزارمریض اورملازمین دوا اورغذا سے محروم ہوجائیں گے۔قانون کی پاسداری کے نام پرانسانیت کے لئے کی جانے والی کوششوں کونقصان نہیں پہنچانا چاہئیے۔
