ناکہ بندی جاری رہی تو غزہ میں بچے مر جائیں گے، اسلامک ریلیف

غزہ : غزہ کی ناکہ بندی اور بجلی کی بندش پر اسلامک ریلیف سمیت مختلف امدادی اور انسانی ہمدردی کی تنظیموں نے سخت ردعمل کا اظہار کیاہے۔ امدادی گروپ اسلامک ریلیف نے خبردار کیا ہے کہ اگر اسرائیلی ناکہ بندی جاری رہی تو غزہ میں بچے مر جائیں گے۔ بجلی کی کٹوتی اجتماعی سزا کا ایک اور ظالمانہ عمل ہے یہ لوگوں کو پینے کا پانی حاصل کرنے سے روکے گا، اسپتالوں کو بند کرنے پر مجبور کرے گا اور بیماری کے پھیلنے کا باعث بنے گا۔
انٹرنیشنل فیڈریشن آف ریڈ کراس اینڈ ریڈ کریسنٹ سوسائٹیز کا کہنا ہے کہ اسرائیلی ناکہ بندی دوسرے ہفتے میں داخل ہونے کے ساتھ ہی غزہ میں ادویات سمیت زندگی بچانے والے سامان کم ہو رہے ہیں۔ جس سے مریضوں کی زندگیوں کو خطرات لاحق ہیں۔