غزہ میں بچوں کی زندگی بچانے کیلئے جنگ بندی لازمی ہے، انروا

جنیوا : اقوام متحدہ کے ادارہ برائے امداد و بحالی انروا کے سربراہ فلپ لازارینی نے غزہ میں فوری جنگ بندی کا مطالبہ کیا ہے۔ فلپ لازارینی نے جنگ بندی کی اپیل کرتے ہوئے کہا کہ بچوں کی پوری نسل کو بچانے کیلئے جنگ بندی لازمی ہے۔ اسرائیلی فوج کے حملوں اور غذائی امداد کی ناکہ بندی سے غزہ میں ہر روز بچے بھوک اور بمباری سے ہلاک ہورہے ہیں۔ فلسطینیوں کے دل میں ہر گزرتے لمحے کے ساتھ اسرائیل سے نفرت بھی بڑھ رہی ہے۔اسرائیلی مظالم کی وجہ سے غزہ میں بچوں کی ایک پوری نسل ختم ہوسکتی ہے۔غزہ میں بھوک ہے، بیماری، بمباری ہے۔ایسے حالات میں بچوں کا زندہ رہنا انتہائی دشوار ہے۔ عالمی برادری غزہ میں بچوں کو بچانے کیلئے فوری جنگ بندی کیلئے اقدامات کرے۔