غزہ اور مغربی کنارے میں وحشیانہ حملے، 10 فلسطینی شہید، متعدد زخمی

غزہ : صیہونی فوج کے غزہ اور مغربی کنارے میں وحشیانہ حملے میں دو خواتین سمیت دس فلسطینی شہید اور کئی زخمی ہوگئے۔
اسرائیلی ڈرون نے رفح اور جنین میں ہجوم کو نشانہ بنایا۔ غزہ کے علاقے رفح میں خاتون سمیت چھ افراد جان سے گئے، جبکہ جنین میں خاتون سمیت چار فلسطینی شہید ہوئے۔ صیہونی فوج نے جنین میں جھڑپوں کے دوران تین مزاحمت کاروں کو شہید کرنے کا دعویٰ کیا ہے۔
ادھر اسرائیل کی جانب سے امداد کی فراہمی روکنے سے غزہ میں قحط سر اٹھانے لگا۔ اقوام متحدہ کا کہنا ہے کہ امداد کی بندش سے بیس لاکھ فلسطینیوں کی بقا کو خطرہ لاحق ہوگیا ہے۔ عالمی اداروں نے اسرائیل پر فوری امداد کی بحالی پر زور دیا ہے۔