Raza Musani 
برازیلیہ : برازیل نے حماس رہنما کو ان کے اہل خانہ سمیت ڈی پورٹ کردیا ہے۔ برازیلین حکومت نے یہ اقدام امریکی دفتر خارجہ کے کہنے پر کیا ہے۔ حماس رہنما ابو عمار کو برازیلی پولیس نے ملک میں داخلے کے وقت نظر بند کر دیا تھا۔ ان کے ساتھ ان کی 7 ماہ کی حاملہ بیوی، بیٹا اور خوش دامن بھی نظر بند کیے گئے۔ پولیس ذرائع کے مطابق وہ قطر سے برازیل پہنچے تھے۔ برازیل کے ساؤ پالو ایئر پورٹ پر اترے تھے مگر انہیں امریکہ کے کہنے پر قطر ائیر ویز کی پرواز سے ہی واپس کر دیا گیا۔ ذرائع کے مطابق امریکہ کے دفتر خارجہ نے ابو عمار کو برازیل میں نہ رہنے دینے کا کہا تھا۔ اس دوران برازیلی عدالت کے سامنے یہ ثابت کیا گیا کہ وہ پوری طرح حماس سے وابستہ ہیں۔
