بنگلہ دیش حکومت نے کوٹہ سسٹم محدود کردیا

ڈھاکا : بنگلہ دیش کی وزیراعظم شیخ حسینہ واجد سپریم کورٹ کا فیصلہ مان گئیں اور سرکاری ملازمتوں میں 93 فیصد اوپن میرٹ کے سپریم کورٹ کے فیصلے پر عمل کرنے کا اعلان کر دیا۔ سپریم کورٹ نے سرکاری ملازمتوں کے کوٹے کو 7 فیصد تک محدود کردیا ہے۔ حکومت نے انٹرنیٹ سروسز آج رات سے بحال کرنے، کل کرفیو میں صبح 10 سے شام 5 بجے تک نرمی کرنے اور دفاتر صبح 11 سے 3 بجے تک کھولنے کا بھی اعلان کردیا۔ بنگلہ دیش میں کوٹہ سسٹم کیخلاف مظاہروں میں 174 افراد ہلاک، سینکڑوں زخمی اور ڈھائی ہزار سے زیادہ گرفتاریاں ہوئیں۔