Raza Musani 
ڈھاکا : بنگلادیش میں سابق وزیرِاعظم شیخ حسینہ واجد کے وارنٹ گرفتاری جاری کر دیے گئے۔ شیخ حسینہ واجد کے وارنٹِ گرفتاری بنگلادیش میں پُرتشدد مظاہروں کے دوران ہلاکتوں کے معاملے میں جاری کیے گئے۔ حسینہ بنگلہ دیش کے بین الاقوامی فوجداری ٹریبونل۔ آئی سی ٹی کو مظاہروں کے دوران ہونے والے انسانیت کے خلاف جرائم میں مبینہ طور پر ملوث ہونے کی وجہ سے مطلوب ہے۔ حسینہ واجد کیخلاف مظاہروں کے دوران سینکڑوں افراد مارے گئے تھے۔ آئی سی ٹی کے چیف پراسیکیوٹر محمد تاج الاسلام نے بتایا کہ عدالت نے سابق وزیر اعظم کی گرفتاری اور انہیں اٹھارہ نومبر کو پیش کرنے کا حکم دیا ہے۔ شیخ حسینہ جولائی سے اگست میں قتل عام، قتل و غارت اور انسانیت کے خلاف جرائم کا ارتکاب کرنے والوں کی سربراہ تھیں۔ ٹریبونل نے عوامی لیگ کے جنرل سیکریٹری عبیدالقادر اور دیگر چوالیس افراد کے وارنٹ گرفتاری بھی جاری کئے ہیں۔ مشیر خارجہ توحید حسین نے کہا ہے کہ ہم حسینہ واجد کو واپس لانے کی کوشش کریں گے۔ چونکہ وہ ملک میں نہیں ہے اس لیے پولیس وزارت خارجہ کی مدد طلب کرے گی تو پھر ہم اقدامات کریں گے۔
