Raza Musani 
کراچی : شہر قائد سمیت سندھ بھر میں محرم الحرام کے دوران موٹر سائیکل کی ڈبل سواری پر پابندی عائد کر دی گئی۔ محکمہ داخلہ سندھ کے نوٹیفکیشن کے مطابق 6 محرم الحرام سے دفعہ 144 کے تحت پابندی عائد کی گئی ہے جو 12 محرم الحرام تک عائد رہے گی۔ ڈبل سواری پر پابندی کی درخواست آئی جی سندھ نے کی تھی۔ نوٹیفیکیشن کےمطابق خلاف ورزی کرنے والوں کے خلاف مقدمہ درج کیاجائے گا۔ خواتین، بچے، بزرگ، صحافی، لازمی سروسز اور قانون نافذ کرنے والے اداروں کے اہلکار پابندی سے مستثنیٰ ہونگے۔
