Raza Musani 
غزہ : اسرائیلی فوج نے غزہ میں صبح سے جاری حملوں میں چوبیس فلسطینی شہید اور کئی زخمی کردئے۔ صیہونی جنگی طیاروں نے غزہ سٹی، جبالیہ اور نصیرات پناہ گزین کیمپ پر بم برسائے۔ المواصی میں خیمہ بستی پر بھی بمباری کی گئی۔ المغازی میں خیمہ بستی کے باہر بیٹھے افراد پر ڈرون سے فائرنگ کی گئی۔صیہونی فوج کے توپ خانے نے جبالیہ میں اندھا دھند گولہ باری کی۔ صبح سے جاری فضائی اور زمینی حملوں میں شہید فلسطینیوں کی تعداد چوبیس ہوگئی۔ جبکہ کئی زخمی ہیں۔ گذشتہ روز ان ہی علاقوں میں تینتیس فلسطینی شہید ہوئے تھے۔
ادھر جنوبی لبنان پر بھی فضائی حملے کئے گئے جس میں تین افراد شہید اور کئی زخمی ہوئے۔جبکہ حزب اللہ سے جھڑپوں میں چھ صیہونی فوجی ہلاک اور ایک زخمی ہوگیا۔ اسرائیلی فوج نے ہلاکتوں کی تصدیق کرتے ہوئے پانچ فوجیوں کی تصاویر اور نام جاری کردئے ہیں۔ امکان ہے کہ چھٹے فوجی کی تصویر اس کے اعلیٰ عہدیدار ہونے کی وجہ سے جاری نہیں کی گئی۔
