Raza Musani 
غزہ :غزہ میں صیہونی فوج کے حملے جاری ہیں۔ تازہ حملوں میں پچیس فلسطینی شہید اور تیس سے زائد زخمی ہوگئے۔ نصیرات میں صیہونی جنگی طیاروں نے دو مختلف مقامات پر حملے کئے۔ الشریحی خاندان کے گھر پر حملے میں چار جبکہ ابو سدرہ خاندان کے گھر پر حملے میں آٹھ فلسطینی شہید اور کئی زخمی ہوگئے۔ البریج کیمپ پر میزائل حملے سے مکان تباہ ہوگیا جبکہ تین فلسطینی جان سے گئے۔ جبالیہ میں بھی صیہونی فوج نے میزائل داغ دیا۔ حملے میں چار افراد شہید ہوئے۔ شمالی غزہ میں غزہ سٹی کے شیخ رضوان محلے میں عیاد خاندان کے گھر پر حملے کے نتیجے میں پانچ فلسطینی شہید ہو گئے۔ جنوبی غزہ کے خان یونس شہر میں بھی اسرائیلی ڈرون حملے میں سائیکل سوار ایک شخص شہید ہو گیا۔
سات اکتوبر کے بعد صیہونی حملوں میں شہید افراد کی تعداد انتالیس ہزار تک جاپہنچی ہے۔
